O Goberno galego segue adiante coa súa intención de dar impulso á comarca de Ferrol e propón a creación dunha zona franca na cidade naval, na que ofrecería ?a súa máxima colaboración? e que implicaría a inclusión do porto na Rede Transeuropea de Transportes.
Así llo trasladou este martes o conselleiro de Economía, Empresa e Innovación, Francisco Conde, a varios alcaldes da zona nun encontro á primeira hora da tarde deste martes en Santiago de Compostela.
Unha cita dentro da iniciativa da posta en marcha dun Pacto de Estado por Ferrol, para tratar de buscar solucións á falta de oportunidades laborais e ao declive industrial que está a sufrir a zona norte da provincia da Coruña.
Dita proposta viría a sumar ao obxectivo de facer da comarca de Ferrolterra un polo enerxético que deberá atopar acomodo na repartición dos fondos europeos Next Generation e no que se inclúa a produción con biocombustibles na central térmica das Pontes (A Coruña), a consolidación do gas natural licuado (GNL), a xeración de hidróxeno verde ou o desenvolvemento da eólica mariña a través dun pioneiro Hub offshore.
SEGUIR LENDO: El Correo Gallego