A Asociación de Empresarios de Ou Ceao-As Gándaras pediu ás Administracións que tenten resolver o que xa é un problema e no futuro crecerá na medida en que seguirá aumentando o volume de tráfico: crear un viario que permita conectar a Autovía do Noroeste co parque empresarial das Gándaras.
Os empresarios saben desde hai uns meses que por lei non se pode construír un acceso desde a A-6 ao polígono, algo que reclamaran por escrito ao Goberno. O Ministerio de Transportes sinala que a lei impide facer esa ligazón xa que entre o de Ou Ceao e o da Campiña hai dous quilómetros, cando se require maior distancia entre ambas as saídas/entradas para crear un novo acceso.
Por este motivo, os empresarios das Gándaras pediron ás Administracións que estuden a posibilidade de habilitar algún tipo de vía ou circunvalación interna que permita aos vehículos, sobre todo os pesados, transitar de maneira máis directa e fluída coa A-6 e así evitar tanto a trasfega de vehículos por todo o polígono como pola xa saturada Rolda Norte.
SEGUIR LENDO. La Voz de Galicia