O proxecto de construción do ansiado e comprometido polígono da Miñata, en Coristanco, vai tomando corpo aos poucos. Iso si, desde o punto de vista burocrático. Así, en xaneiro do pasado ano, a Xunta de Galicia deu luz verde definitivo ao informe de viabilidade do parque industrial presentado polo consistorio e incluíu o proxecto no plan de áreas industriais de Galicia, o que significou, na práctica, que pasaba a ser unha iniciativa prioritaria para o Executivo galego.
O pasado mes de xullo e durante unha visita a Coristanco, a conselleira de Medio Ambiente, Anxos Vázquez, anunciou o desbloqueo dunha iniciativa empresarial que fora comprometida por Madrid hai 18 anos, tras o desastre do Prestige, coa súa inclusión no xa famoso e arquivado Plan Galicia. A idea da representante do Goberno autonómico foi a execución do polígono empresarial en dúas fases coa finalidade de abaratar custos de construción e iniciar as obras da primeira fase o máis axiña posible.
E agora arrinca unha das partes craves en todo este proceso: saber como respira o tecido empresarial coristanqués, e o de concellos limítrofes, e as súas intencións de instalarse, ou non, na Miñata. Por iso, o Concello acaba de abrir un prazo de 15 días para que os interesados en reservar chan póñanse en contacto co consistorio (a través do número de teléfono 981 733 001) para facer efectiva unha oferta. Con esta iniciativa, o equipo de goberno local, presidido polo popular Juan García Pouse, pretende coñecer de primeira man a demanda real de chan industrial e determinar así a contía de parcelas a ofertar por parte do ente público Xestur.
Seguin lendo: La Voz de Galicia