A Xunta acaba de iniciar a análise para a adxudicación en 6 parques empresariais de 22 parcelas, que suman máis de 66.000 metros cadrados.
O pasado 30 de marzo pechou o prazo para a presentación de propostas para a adquisición de solo empresarial neste polígono no marco do concurso convocado en febreiro, polo que agora o Instituto Galego da Vivenda e Solo está a analizar as ofertas presentadas.
En total, as parcelas polas que existe interese suporían un investimento de 5 millóns de euros, xa aplicada a bonificación do 30% ou do 50%, segundo o polígono.
Recibíronse ofertas para a adquisición de 43.887 m2 (13 parcelas) no parque das Gándaras, en Lugo; 11.436,50 m2 (5 parcelas) na Sionlla, en Santiago de Compostela; 5.471 m2 (1 parcela) en Morás, en Arteixo; 2.592 m2 (1 parcela) en Xinzo de Limia; 1.972 m2 (1 parcela) en Carballo; e 990 m2 (1 parcela) en Ortigueira.
Cómpre lembrar que no concurso deste ano dispuxéronse catro modalidades de compra das parcelas: adxudicación con prezo bonificado, en dereito de superficie, en alugueiro e en compravenda con pago aprazado, esta última por primeira vez.
Tras a formalización dos contratos de adxudicación do concurso, o solo dispoñible na Sionlla e no resto de parques poderá adquirirse nas mesmas condicións da última convocatoria deste procedemento.
ARTEIXO, 720.000,00 €, 5.471,00m², 1 parcelas
CARBALLO, 90.078,39 €, 1.972,00m², 1 parcela
AS GÁNDARAS (Lugo), 2.798.170,85 €, 43.887,00m², 13 parcelas
ORTIGUEIRA, 26.730,00 €, 990,00m², 1 parcela
A SIONLLA (Santiago), 1.274.427,50 €, 11.436,50m², 5 parcelas
XINZO, 88.957,44 €, 2.592,00m², 1 parcela
Fonte: Xunta de Galicia
La Voz de Galicia: Oferta para la compra de una de las cuatro últimas parcelas del polígono de Bértoa.
La Voz de Galicia: La Xunta estudia una oferta por una parcela de 5.500 metros en Morás.
La Región: Oferta para adquirir 2.600 metros en el área empresarial de Xinzo de Limia
El Correo Gallego: Ofertan 1,2 millones por otras cinco parcelas de A Sionlla
Quincemil: La Xunta recibe ofertas para comprar terrenos en parques empresariales por de 5 millones