A Xunta de Galicia redactará os plans estructurantes de ordenación de chan empresarial (PEOSE) para a ampliación dos parques empresariais da Sionlla, A Estrada, Xove e Pereiro de Aguiar, así como para desenvolver o novo parque empresarial de Louredo (Mos), tal e como autorizou hoxe o Consello de Administración da empresa pública Xestur. Ademais, durante a reunión tamén se adxudicou a redacción do PEOSE correspondente ao polígono de Santa Comba.
O investimento total prevista por parte do Goberno galego para a elaboración do seis instrumentos de planificación superará os 1,36 millóns de euros. Na Estrada está prevista unha nova fase de desenvolvemento do polígono de Toedo que abarcará máis de 161.000 metros cadrados. O contrato para a redacción do seu plan estructurante licitarase por importe de 189.939,01 euros, IVE incluído.
Por outra banda, tamén se autorizou licitar o contrato para a redacción do PEOSE do novo parque empresarial de Mos, que se emprazará en Louredo e terá unha superficie prevista de preto de 480.000 metros cadrados. A redacción do referido plan licítase por importe de 290.309,04 euros IVE incluído, así como a ampliación do parque empresarial de Pereiro de Aguiar.
Fuente: Faro de Vigo