A Xunta de Galicia acaba de adxudicar un total de 6.229 metros cadrados de solo empresarial nos parques empresariais de Mos e Negreira, con bonificacións por un importe de preto de 257.057 euros. Así se acordou esta mañá durante a reunión do Consello de Administración de Xestur Galicia, empresa pública dependente da Consellería de Medio Ambiente, Territorio e Vivenda.
Concretamente, no parque empresarial de Mos adxudicouse unha parcela de 5.084 metros cadrados, cunha bonificación de máis de 233.355 euros; mentres que no caso do polígono de Negreira aprobouse a adxudicación de 1.145 metros cadrados de solo, cunha bonificación de máis de 23.700 euros.
Fonte: Xunta de Galicia
Fecha publicacion:
2019-10-11 11:45:00