O presidente da Xunta, Alfonso Rueda, destacou a importancia do sector téxtil en Galicia como un dos principais motores da economía e embaixador da comunidade galega. "Algo tan galego como a moda e a calidade, de 'Marca Galicia', con algo tan galego para o mundo como é o Xacobeo. Esa é unha combinación gañadora", remarcou Roda na súa asistencia, na mañá deste venres, á presentación da colección outono-inverno 'Facendo Camiño' do deseñador galego Florentino. Esta nova proposta está inspirada na Ruta Xacobea e recolle as raíces galegas a través das influencias do Camiño de Santiago como base principal dos deseños e como homenaxe á comunidade galega. Rueda insistiu en que a moda galega "conforma un gran escaparate para Galicia" no que marcas como Florentino contribúen, mediante a innovación, creatividade, internacionalización do produto téxtil galego e a levar os atributos propios a diferentes partes do mundo. Desta forma, o mandatario do Executivo galego ha enxalzado o "bo traballo empresarial" do deseñador dentro dun sector, cambiante e global e dun sistema produtivo, "que xa é o que xera máis riqueza na comunidade". Segundo a Xunta, este sector aglutina o 22% do total da facturación das empresas galegas e crea máis de 42.000 empregos.
Fonte: Galicia Press