O Foro Económico Español: A Galicia que vén volve á cidade da Coruña os días mércores 12 e xoves 13 de abril, xusto á volta de Semana Santa. O diario dixital líder O ESPAÑOL, o seu diario económico Invertia e os diarios asociados galegos Quincemil e Treintayseis volven organizar en PALEXCO un encontro económico que fará unha radiografía da economía galega e proxectará os seus grandes fitos a toda España. Do mesmo xeito que o ano pasado, o evento será de acceso libre no palacio de congresos da Coruña, e tamén se poderá seguir ao completo a través de streaming. Todas as conferencias poderanse tamén ver en diferido e contarán cunha completa cobertura a través do ESPAÑOL, Invertia, Quincemil e Treintayseis.
O Foro será inaugurado por Alfonso Rueda, presidente da Xunta de Galicia, e contará con algunhas das figuras máis relevantes do mundo político, empresarial, científico e social galego, que serán anunciadas nas próximas semanas. Tamén estarán representadas algunhas das empresas máis importantes da comunidade. A través do ESPAÑOL e Invertia, o Foro Económico Español: A Galicia que vén proxectará a cada recuncho de España o liderado, os desafíos, logros e oportunidades da economía galega .
Os interesados en asistir xa poden apuntarse a través de Eventbrite, e irán recibindo comunicacións e actualizacións sobre as novidades, que tamén iremos contando en Quincemil e Treintayseis.
Fonte: Quincemil