A Xunta de Castela e León deu autorización á Comisión Delegada de Asuntos Económicos para a adquisición do compromiso de gasto para a subscrición de tres convenios, sendo un deles, o relativo á ampliación do polígono industrial de Bembibre na súa novena fase, segundo comunicou este venres o Concello da vila do Boeza.
A alcaldesa, Silvia Cao, lembrou que este proxecto data do ano 2008, sendo alcalde o socialista Jesús Esteban, e que pasou por unha serie de modificacións ao longo do tempo, a máis importante das cales foi a redución da parcela de 190.000 a 115.407 metros cadrados por esixencia da Confederación Hidrográfica Miño-Sil. Tras varios anos ?durmindo o soño dos xustos nun caixón? pola inacción do equipo de Goberno liderado polo ?popular? José Manuel Otero, tras as últimas eleccións recuperouse o proxecto, que acometeu unha serie de cambios obrigados pola Xunta até conseguir finalmente o visto e prace do Goberno autonómico 12 anos despois.
Segundo informa o Concello de Bembibre, a falta da firma do convenio coa Xunta de Castela e León e o Instituto de Transición Xusta, xa se conseguiu a liberación de 1.468.304 euros para a novena fase do polígono, sendo este o primeiro de tres pagos repartidos nas anualidades de 2021, 2022 e 2023 até completar o montante total de 5.900.000 euros.
FUENTE: El Bierzo Digital