Menos dun mes tardou en cambiar de mans a parcela que albergaba o centro comercial Comcor, no polígono industrial da Grela, na Coruña, despois de que os propietarios comunicasen a finais de marzo o peche do complexo tras 16 anos de actividade.
Estrela Galicia, que produce a súa cervexa na fábrica situada alén da rúa, confirmou a compra do solo do Comcor a través dun comunicado. Ambos os solares suman 18.000 metros cadrados, que a cervexeira incorpora ás súas instalacións nunha ampliación que estivo precedida doutras operacións recentes de expansión.
As dúas últimas leiras contan cunha edificabilidade máxima permitida de 37.800 metros cadrados, a pesar de que o seu estado actual, sen cambios na infraestrutura que acollía o centro comercial, comprende unha superficie construída de 17.150 metros cadrados distribuídos nunha nave industrial, aparcadoiro, oficinas e área comercial.
Fonte.- La Voz de Galicia