Empresas do sector forestal están a axudar a levantar o voo ao polígono industrial de Viveiro. A Madeiras Argimiro, que leva varios anos operando desde o parque situado en Landrove, uníronse ou se unirán proximamente Madeiras Patricio, Forestal Naseiro e Madeiras Celeiro, que están a preparar distintas naves nas que montarán almacéns de madeira, aparcadoiros de maquinaria, talleres propios de reparación ou oficinas, segundo información facilitada polo departamento municipal de Contratación e Urbanismo. «Ás veces esquecémonos do sector da madeira porque en Viveiro maiormente predominan o sector servizos e o da pesca, pero si é verdade que é un sector en potencia que cada vez dá máis postos de traballo», sinala a alcaldesa, María Loureiro, que engade: «É unha realidade e, evidentemente, é importante que estas empresas se instalen no parque industrial e sexan unha referencia».
Cunha superficie bruta de 130.000 metros cadrados, o polígono viveirense dispón dun total de 44 parcelas que ocupan unha superficie de 84.394 metros cadrados. Durante máis de dúas décadas, o seu gran referente foi Electromecánicos Viveiro, unha empresa fundada en 1996 para fabricar acumuladores de calefacción que, tras superar a fortísima crise inmobiliaria do 2008, logrou reinventarse para crecer e seguir xerando emprego apostando pola a investigación, o desenvolvemento e a innovación creando produtos que exporta a nove países da Unión Europea e América.
Segundo o convenio asinado, o Concello financiará a actuación, correspondendo á Xunta a supervisión do proxecto e a execución do mesmo. Despois, Arteixo asumirá o seu mantemento e conservación.
O Goberno galego destaca o seu apoio ao desenvolvemento empresarial da comarca coruñesa, co impulso, tamén, de melloras nos accesos a Sabón. Nestes momentos está a realizarse a ampliación da avenida da Deputación que supón un investimento de máis de 6,3 millóns.
SEGUIN LENDO: La Voz de Galicia