abrá descontos do 30 % no prezo de venda das parcelas do polígono industrial da Sionlla co obxectivo de xerar actividade nas 63 leiras que continúan dispoñibles. Así o anunciou esta mañá o delegado territorial da Xunta na Coruña, Gonzalo Trenor, nunha reunión que mantivo coa directiva da asociación de empresarios do Tambre, na que tamén confirmou o uso hostaleiro do que se beneficiarán algúns dos solares industriais.
O representante do goberno autonómico detallou que este parque empresarial ?conta con 63 parcelas dispoñibles en 2021 cunha superficie de 305.697 metros cadrados que contarán cunha bonificación do 30% sobre o prezo de venda?. Así, destacou que o obxectivo da Xunta é ?ofrecer chan industrial con bos servizos e a un prezo competitivo para facilitar a implantación de novos proxectos empresariais en Galicia?.
No encontro, Gonzalo Trenor informou de que no Consello da Xunta do 18 de marzo aprobouse a modificación do proxecto sectorial do parque empresarial da Sionlla para dar resposta ás necesidades detectadas durante a comercialización do parque. Entre as novidades incluídas neste documento destacan a simplificación das ordenanzas particulares para facilitar a implantación de actividades en chan de uso mixto industrial-terciario e a ampliación do uso terciario das parcelas que lindan en esquina, incluíndo a posibilidade de desenvolver uso hostaleiro nelas, unha das grandes novidades.
Ademais, este texto recolle a simplificación da ordenanza de edificación de parcelas semi xuntas, fundamentalmente na definición de retrocesos e da parcela mínima e máxima e o aumento da ocupación do 50 % ao 70 % en parcelas con edificación exenta.
FONTE: El Correo Gallego