O proceso emprendido pola empresa Racso para tratar de instalar unha planta de reciclaxe de pneumáticos no polígono industrial de Botos entrou no escenario xudicial. A empresa presentou ante o xulgado de Pontevedra un recurso fronte á declaración de ineficacia da comunicación previa de obras decretada pola xunta de goberno local de Lalín.
Foi a resolución chave para culminar o procedemento administrativo para denegar a licenza de obras á planta de Racso, que suscitou unha grande contestación veciñal por parte de residentes que se verán afectados pola posta en marcha da industria no polígono de Botos.
A empresa reclama a través da vía xudicial luz verde para a planta de reciclaxe de pneumáticos, que o Concello freou en base a informes xurídicos e urbanísticos. O arquitecto municipal detectou no seu momento defectos no cumprimento das normativas urbanísticas e técnicas.
Fonte.- La voz de Galicia