Foi en xuño do 2016 cando o grupo pesqueiro chinés Xangai Keichuang adquiriu o cento por cento das accións Fillos de Carlos Albo por valor de 61 millóns. Dende entón, a pesqueira chinesa pasou a mans de asiático da distribución Bright Food.
Actualmente, este conglomerado empresarial busca facer chegar o selo aos fogares de consumidores asiáticos e multiplicar a súa produción. A súa rede de distribución conta xa con máis de 100.000 puntos de venda en China.
Para gañar capacidade produtiva, a empresa planificou dous grandes proxectos: a primeira conserveira de atún que promove en China, que cun investimento de 22,3 millóns de dólares estará operativa dende xuño do 2020; e unha macroplanta en Galicia, que xa ten localización decidida.
Fontes próximas ao xigante chinés confirman que a nova conserveira galega instalarase nunha parcela da Plataforma Loxística de Salvaterra-As Neves (Plisan), tamén coñecida como Porto seco de Vigo.
O investimento previsto polo grupo asiático é de 25 millóns de euros, e o proxecto, está á espera de recibir orzamentos. A data de inicio das obras sería o 2020, aínda que non hai confirmación ao respecto. Ocupará unha parcela de 70.000 metros cadrados.
Fonte.- La Voz de Galicia