A ampliación do polígono industrial de Toedo (A Estrada) empeza a tomar forma sobre o papel. A empresa Monteoliva é a encargada da redacción do plan estructurante de ordenación e do proxecto de urbanización. Os técnicos da empresa reuníronse este mércores na Estrada con responsables de Xestur, do Instituto Galego de Vivenda e Solo (IGVS) e do Concello da Estrada para definir a ordenación da nova superficie industrial
Unha das decisións máis importantes que se tomaron na reunión afecta á delimitación das novas parcelas industriais, que ocuparán unha superficie de 160.000 metros cadrados de terrea fronte ao polígono actual, alén da estrada PO-841. Segundo explica o alcalde estradense, José López, o IGVS detectou un incremento da demanda de parcelas de gran tamaño, que en Galicia escasean. «A maioría dos polígonos non teñen parcelas de grandes dimensións porque os terreos adoitan segregarse en parcelas de 2.000, 3.000 ou 4.000 metros cadrados. Pero hai industrias que necesitan 50.000. Coa chegada da autovía á Estrada se ademais ofertamos esas parcelas de gran tamaño que escasean noutras zonas podemos atraer a esas grandes empresas que poden xerar moitos postos de traballo no municipio. Será algo diferencial», explica López.
Ler máis: La Voz de Galicia