Novo impulso ao polígono supramunicipal da Guarda e O Rosal. A xerente de Chan Empresarial do Atlántico (SEXA), Beatriz Sestayo, visitou este martes o concello rosaleiro para estudar coa súa alcaldesa, Ánxela Fernández , e o concelleiro de Infraestruturas da Guarda, Isidro Lomba, os prazos que marcarán o arranque definitivo desta zona empresarial, que se espera sexa un revulsivo económico na zona e permitirá atraer investimentos tanto de Galicia como do norte de Portugal.
Durante o próximos catro meses realizarase unha ampliación do estudo de viabilidade realizado sobre este polígono empresarial para buscar a forma de tramitación máis áxil, ben seguindo a canle actual ou a través da nova Lei de Áreas Empresariais de Galicia, e para tentar ampliar ata nun 20% os 260.000 metros cadrados de chan empresarial previstos inicialmente. En marzo de 2024 prevese presentar o proxecto definitivo do parque supramunicipal entre O Rosal e A Guarda, paso previo á firma do convenio entre SEXA, Zona Franca de Vigo e ambos os concellos, que marca o compromiso económico de todas as entidades. “
Leer máis: Cadena Ser