A Xunta de Goberno Local do Concello de Ames aprobou o pasado 10 de agosto o expediente de contratación das obras de eficiencia enerxética na iluminación pública do parque empresarial Novo Milladoiro, cun orzamento de licitación de 52.254,65 euros. Este proxecto, incluído na subvención da Xunta de Galicia para a mellora das infraestruturas de polígonos empresariais, súmase ás melloras recentemente aprobadas para mellorar a iluminación no parque, na zona residencial e nas instalacións deportivas, por un importe de 70.218,59 euros.
O concelleior de Obras e Servizos Básicos, Gustavo Neto, subliñou o "compromiso do Goberno tola coa mellora da eficiencia enerxética nas súas instalacións, xa sexa en edificios públicos ou na iluminación pública". Neto concluíu destacando que con estas actuacións "as luminarias do parque empresarial quedarán completamente renovadas".
Ler máis: Enfoques