O presidente da Xunta de Galicia, Alfonso Rueda, pediu onte á vicepresidenta terceira e ministra para a Transición Ecolóxica, Teresa Ribeira, na reunión que mantiveron en Madrid, coñecer as posibilidades de financiamento do proxecto de fibras téxtiles impulsado pola empresa portuguesa Altri, que, segundo calcula o dirixente galego, xeraría 2.500 postos de traballo. Esta foi unha das principais reivindicacións que trasladou o presidente galego no encontro de máis de dúas horas na sede do Ministerio de Transición Ecolóxica, segundo desvelaron ambos os dirixentes na rolda de prensa posterior a esta reunión.
Neste contexto, Rueda defendeu que este proxecto en concreto é un plan ?viable e moi elaborado? que suporía os aproveitamentos dos recursos forestais. Pero para iso, urxiu á ministra concreción nos apoios económicos que chegarían con cargo aos Fondos Next Generation, explicando que se comprometeu a estudalo. Este proxecto tería un investimento de 800 millóns de euros na súa primeira fase e xeraría uns 2.500 millóns de postos de traballo, tal e como desvelou o presidente da Xunta. ?A intención é fabricar a partir de masa forestal e de fibra téxtil para poder reciclala?, explicou.
Outro dos aspectos que compartiron os dous dirixentes nesta reunión foi o proceso de autorización da enerxía eólica, onde Rueda sinalou o ?especial interese? da Xunta neste tema, agradecendo á ministra a comunicación dos últimos meses. Tamén se abordou a situación da eólica mariña, as infraestruturas de transporte da enerxía renovable e o plan de aforro enerxético.
Fonte: Atlántico Diario