Segundo os datos do Ministerio, as exportacións españolas de mercadorías no período xaneiro-febreiro creceron un 0,3% respecto ao mesmo período do ano anterior, alcanzando os 45.544 millóns de euros, máximo histórico da serie para o acumulado neste período.
As importacións, pola súa banda, aumentaron un 2,2% até os 52.655, tamén marca histórica. Como resultado, o déficit comercial dos dous primeiros meses do ano alcanzou os 7.111 millóns de euros, un 16,5% superior que o rexistrado no mesmo período de 2018.
A taxa de cobertura -exportacións sobre importacións- situouse no 86,5% (88,2% en xaneiro-febreiro de 2018). En termos de volume, as exportacións reducíronse un 1,5%, xa que os prezos, aproximados polos Índices de Valor Unitario, creceron un 1,8%; e as importacións aumentaron un 1,7%, pois os prezos ascenderon un 0,5%.
Por último, o saldo non enerxético arroxou un déficit de 2.314 millóns de euros (déficit de 1.580 millóns de euros no acumulado até febreiro de 2018) e o déficit enerxético aumentou un 6,1%, até os 4.798 millóns de euros (déficit de 4.523 millóns en 2018).