O Consello da Xunta declarou onte como «iniciativa empresarial prioritaria» o proxecto de asínaa Fornos de Lamastelle para o polígono carballés de Bértoa, onde investirá 10 millóns de euros na construción dunha planta «ecosaludable» destinada á elaboración de produtos panificados.
Esta declaración, aprobada a petición do Instituto Galego de Promoción Económica (Igape), significará para a empresa unha diminución significativa dos procesos administrativos, reducíndose á metade os prazos de tramitación aos que terá que facer fronte para levar a cabo o seu proxecto. Con esta medida, a Xunta busca captar investimento para Galicia e potenciar a creación de emprego de calidade. Fornos de Lamastelle súmase a outras novas iniciativas empresariais prioritarias aprobadas polo Goberno, entre as que destacan a liderada por Cortizo (Padrón), Albo (Salvaterra de Miño), Oviganic (Monforte) ou Novafrigsa, do grupo Coren (Lugo).
Ler máis: La Voz de Galicia