O Goberno local de Arteixo aprobou a creación do novo organismo administrativo que se encargará do mantemento e a execución de novas obras no polígono de Morás. O seu nome é Entidade Urbanística de Conservación do Parque de Actividades Económicas de Arteixo. Neste ente estarán presentes a Administración local e as empresas con terreos no parque empresarial. A Xunta de Goberno Local deu luz verde, de forma definitiva, á posta en funcionamento desta entidade e tamén á aprobación dos estatutos.
O Concello recibiu dúas alegacións durante o período de exposición ao público. Xestur, promotor do parque empresarial, reclamou que non se incluísen como obrigacións do ente servizos obrigatorios a cargo da Administración local como o lixo e que se aumentase de 12 a14 os membros do órgano de goberno e que se eliminase a posibilidade de remunerar os cargos. As dúas primeiras foron aceptadas por parte do Executivo local, pero a terceira foi desestimada. Tamén presentou unha alegación Fillos de Rivera, que demandou ser informada de todas as actuacións que se desenvolvan no polígono pola súa condición de interesado e ademais, preguntou se a duración da entidade é de cinco ou dez anos. O Concello contestoulle que é de cinco anos.
Seguir lendo: La Opinión Coruña