A Xunta ten en marcha desde principios de ano as obras de urbanización dos terreos correspondentes á segunda fase do polígono de Morás, na que 466.000 dos 498.000 metros cadrados da súa superficie, o 93,4% do total, foron adquiridos pola matriz de Estrela Galicia, Fillos de Rivera. A previsión do Executivo autonómico é de ter lista a actuación para acondicionar esta parte do parque empresarial no mes de febreiro do próximo ano. A partir dese momento o chan poderá ser entregado á empresa coruñesa para que poña en marcha o seu novo proxecto en Arteixo.
O conselleiro delegado de Fillos de Rivera, Ignacio Rivera, avanzou recentemente que, nunha primeira fase, a nova factoría de Morás contará cun investimento de 150 millóns de euros e posteriormente ?irase ampliando?. ?Poderemos montar a fábrica a partir de marzo ou abril e o soño é que estea a producir a finais de 2023?, asegurou Rivera. A fábrica de Agrela, na Coruña, a única na que a firma produce na actualidade, ten un teito de produción de 500 millóns de litros de cervexa ao ano. En 2020 produciu 341. A intención da empresa é asegurar a súa expansión futura coas novas instalacións arteixanas.
SEGUIR LENDO: La Voz de Galicia