A ampliación do polígono industrial de Chantada achégase ao 100% de ocupación oito anos despois da súa construción. A segunda fase do parque empresarial de Vos Acivros dispón desde a súa apertura no 2013 de 80.000 metros cadrados de terreo divididos en 49 parcelas. Coas que se venderon o ano pasado xa hai 42 ocupadas e só quedan 7 dispoñibles. O polígono segue tendo demanda, porque hai reservas pendentes de concretar para máis terreo. No Concello cren que Chantada precisa máis chan industrial con urxencia.
A ocupación do polígono industrial de Chantada se ha ir completando de maneira lenta pero continuada nos últimos anos e deu un paso importante no 2020. A pesar da pandemia, o ano pasado foron vendidas catro parcelas. Ademais, é posible que algunhas das sete restantes atopen pronto comprador. Portavoces da Deputación, a institución pública propietaria deste terreo, explican que no que vai de 2021 aínda non se formalizou ningunha venda, pero si se rexistraron solicitudes de reserva para catro desas parcelas. Na Deputación esperan poder facer efectiva a venda antes de que termine este ano.
SEGUIR LENDO: La Voz de Galicia