O orzamento de gastos e de ingresos da Empresa Municipal de Augas da Coruña (Emalcsa) para 2021, que aprobou onte o seu consello de administración, revela que xa está previsto iniciar a construción do primeiro tramo da condución que dará servizo ao polígono de Morás, en Arteixo. En concreto, hai reservada unha partida de 1,5 millóns de euros, o que representa aproximadamente unha terceira parte do gasto necesario para esta infraestrutura, que posteriormente será repercutido ao Concello arteixano mediante un canon.
A parte da obra que realizará Emalcsa afecta o polígono de Vío, onde se reforzará a conexión existente entre un depósito situado nas proximidades de Pocomaco e outro na parte máis alta do parque empresarial. De aí partirá o resto da canalización que chegará a Morás.
FONTE: La Opinión