O pasado 25 de marzo tivo lugar a Conferencia Sectorial de Industria y PYME, presidida pola Ministra de Industria, Comercio e Turismo. Confirmouse neste encontro entre Comunidades Autónomas e Goberno, a recente sinatura dun protocolo para o desenvolvemento de áreas industriais dependentes da Entidade Pública Empresarial de Solo (SEPES) co fin de impulsar a reindustrialización e a competitividade do sector industrial.
A propia Conferencia acordou que o grupo de traballo de Análise Territorial sexa o encargado de elaborar un Mapa de Áreas Industriais e Empresariais para a mellora da competitividade do tecido industrial.
Ademais, o Goberno comprometeuse a levar a fibra óptica a tódolos polígonos (dependentes de SEPES) para aproveitar as oportunidades da Industria 4.0 e fomentar a creación de empresas tecnolóxicas.
Outros asuntos tocados durante a Conferencia foron os criterios de avaliación que primarán na seguinte convocatoria do Programa de Apoio á Inversión Industrial: Reindus; os acordos aos que chegou o Grupo de Traballo de Seguridade Industrial e ITV; ou a aprobación de varias guías interpretativas.