A Xunta de Goberno Local de Arteixo aprobou esta semana aceptar formalmente a cesión por parte da Xunta de 23 parcelas situadas no polígono de Morás. Correspóndense con espazos libres, reserva de infraestruturas, viarias e equipamentos. Neste último apartado figuran dúas parcelas, que poderán ser utilizadas polo Concello. Entres ambas suman preto de 25.000 metros cadrados.
Unha vez executadas as obras de urbanización do parque empresarial, o día 15 de febreiro o alcalde, Carlos Calvelo e a xerente de Xestión do Só de Galicia (Xestur), María Doporto, asinaron a acta de recepción das instalacións e dos terreos xa urbanizados da primeira fase e conexións exteriores. Naquela acta manifestábase a vontade da Xunta de ceder e do Concello, de recibir o dominio destes terreos. A xerente de Xestur solicitou recentemente que se formalizase a transmisión deste chan. Agora cúmprese ao aprobar a Xunta de Goberno Local a aceptación deste chan.
Thank you for watching
O Executivo arteixano xa avanzara hai algúns meses que ten intención de trasladar alí as instalacións do servizo municipal de lixo e do departamento de obras, que actualmente se sitúan no polígono de Sabón. O Concello de Arteixo confirmou que ten previsto trasladalas en 2022 a un dos dous solares de Morás, co que a actual parcela, situada enfronte ás antigas instalacións Facet, quedará baleira, aínda que o seu futuro uso non foi desvelado polo Executivo local.
En Morás será executada unha nova nave, que ocupará uns 2.000 metros cadrados. A previsión do Goberno local é de contratar a redacción do proxecto de obra durante este ano e que se poidan empezar os traballos no seguinte, en 2022. Protección Civil e o servizo do guindastre seguirían na súa actual localización, á beira do lixo e de Obras.
SEGUIR LENDO: La Opinión